Зейнетақы жинағын тұрғын үйге пайдалану бойынша маңызды шешім әзірленіп жатыр
Фото: Freepik.comҚазақстандықтардың Бірыңғай жинақтаушы зейнетақы қорындағы (БЖЗҚ) жинақтарын пайдалану мүмкіндіктері кеңейтілуі мүмкін. Тиісті бұйрық жобасын индустрия және құрылыс министрлігі әзірледі, деп хабарлайды Orda.kz.
Бұйрық жобасы 21 қарашаға дейін «Ашық НҚА» порталында талқыланады.
Атап айтқанда, БЖЗҚ жинақтарын мына мақсаттарға қолдануға рұқсат беру ұсынылып отыр:
- тұрғын үй несиесі бойынша негізгі қарызды өтеуге;
- ай сайынғы төлемді азайтуға;
- несиенің мерзімін қысқартуға рұқсат беріледі.
Салық кодексіндегі жаңа өзгерістерге сай, енді Қазақстан азаматтары Бірыңғай жинақтаушы зейнетақы қорынан (БЖЗҚ) алатын зейнетақы төлемдеріне жеке табыс салығын төлемейді. Яғни, зейнетақы қорынан ақша алған кезде, мемлекет ол қаражаттан салық ұстамайды.
Министрлік мәліметінше, өзгерістердің мақсаты — біржолғы зейнетақы төлемдерін пайдалану процесін тиімді әрі ыңғайлы ету.
Айта кетейік, Қазақстанда 2025 жылы халықтың әлеуметтік осал топтарына тұрғын үй көмегіне 1,5 млрд теңге бөлінді.
