Қызылордада синтетикалық есірткіні жарнамалайтын 1120 сайт бұғатталды
Фото: DepositphotosҚызылорда облыстық полиция департаментінің есірткі қылмысына қарсы іс-қимыл басқармасы жыл басынан бері 237 құқық бұзуды анықталды, деп хабарлайды Almaty.tv ҚазАқпаратқа сілтеме жасап.
Департаменттің баспасөз қызметі хабарлағандай, оның 66-сы — есірткі өсіру, 22-сі — есірткі өткізу, 5-і — есірткі жарнамалау деректері. Сондай-ақ есірткіні аса ірі мөлшерде сақтау, есірткі тұтынуға көндіру қылмыстары әшкереленді.
"Заңсыз айналымнан 1 тонна 570 килограмм есірткі заты алынды. Оның ішінде сора, марихуана, көкнәр мен синтетикалық есірткінің салмағы басым. Үй жағдайында сора өсімдігін өсірген 5 фитозертхана анықталды. Облыс орталығындағы көпқабатты үй аулалары, гараждар мен құрылыс аумақтарының арасын тексеру нәтижесінде есірткіні жарнамалайтын граффити суреттерінің азайғаны анықталды", — делінген хабарламада.
«Кибернадзор» ақпараттық жүйесіне синтетикалық есірткіні жарнамалайтын 1120 сайт енгізіліп, бұғатталды.
