2026 жылы негізгі бағыттарға қанша қаржы бөлінеді?
Фото: depositphotos.comҮкімет 2026 жылғы бюджеттің негізгі бағыттарына қанша қаражат бөлінетінін анықтады, - деп хабарлайды Massaget.kz.
Қаржы министрлігі мәліметінше, денсаулық сақтау саласына 2,7 трлн теңге қарастырылған. Биылмен салыстырғанда бұл қаражат 107 млрд теңгеге артық.
Білім және ғылым саласына 901,7 млрд теңге бөлу жоспарланып отыр. 2026 жылы мәдениет, туризм және спортты дамытуға 263,5 млрд теңге қарастырылған.
"2026 жылы экономиканы ынталандыруға шамамен 1,2 трлн теңге жоспарланған, ал нақты секторды дамытуға жұмсалатын қаражаттың жалпы көлемі 540 млрд теңгеге артып, 3,7 трлн теңге болады", - деп жазылған хабарламада.
Өңірлерді дамытуға 2026-2028 жылдарға 581 млрд теңге қарастырылған, оның ішінде 2026 жылы - 300 млрд теңге.
Сонымен қатар, күштік құрылым блогына 2026 жылы 3 трлн теңге бөлінеді, бұл биылмен салыстырғанда 335 млрд теңгеге артық.
