Оңтүстік Кореяда заңсыз жүрген қазақстандықтарға маңызды ескерту жасалды
Оңтүстік Кореяда заңсыз жүрген қазақстандықтарға маңызды ескерту жасалды
Фото: depositphotos.comҚазір Оңтүстік Кореяда 11 мыңға жуық қазақстандық заңсыз жүр. Еңбек және халықты әлеуметтік қорғау бірінші вице-министрі Асқарбек Ертаев оларға Кореядан өз еркімен шығуға кеңес берді, - деп хабарлайды Massaget.kz.
Шенеуніктің сөзінше, Оңтүстік Кореяда жүрген 15 мың қазақстандықтың 11 мыңы заңсыз жұмыс істейді. Әзірге біздің тарап еңбек қызметін заңдастыру туралы келісімге келе алмаған.
"Оңтүстік Кореямен арадағы келісім қарастырылып жатыр. Екі жыл бойы келіссөз жүргізіп келеміз, Оңтүстік Кореядағы саяси жағдайға байланысты біраз тоқтап қалды. Күздің аяғына дейін келіссөзді жалғастырамыз. Себебі 15 мың азаматтың 11 мыңы заңсыз жұмыс істейді", - деді ол.
Оның айтуынша, Корея тарапы Қазақстаннан заңсыз жүрген азаматтар бойынша шара қабылдауды талап еткен.
"Азаматтардың заңсыз жүруі - көші-қон заңнамасын бұзу. Көші-қон заңнамасын сақтаған жөн. Адам заңсыз жұмыс істесе, мынадай ұсыныс жасалады: Кореядан кетіп, келісім аясында заңды түрде жұмысқа тұруы керек", - деді Асқарбек Ертаев.
