Алдағы күндері күн суытып, бұршақ пен жаңбыр жауады
14, 15 және 16 тамыз күндері республика бойынша нөсер жаңбыр жауып, ауа температурасы сәл төмендейді.
Фото: Pixabay
Фото: Pixabay"Қазгидромет" синоптиктері алдағы үш күнге арналған ауа райы болжамын жариялады, деп хабарлайды Skifnews.kz ақпарат порталы.
Мамандардың болжамына сәйкес, 14, 15 және 16 тамыз күндері республика бойынша нөсер жаңбыр жауып, ауа температурасы сәл төмендейді.
- Солтүстік-батыс циклоны еліміздің басым бөлігіне өз ықпалын сақтайды. Батыста, солтүстік, орталық және шығыс өңірлерде кей жерлерде найзағаймен, бұршақпен және екпінді желмен бірге нөсер жауын жауады. Елдің оңтүстік жартысының жекелеген аудандарында жоғары температура фонында найзағаймен өткінші жауын жаууы мүмкін. Республика бойынша желдің күшеюі күтіледі, солтүстік пен шығыста түнгі және таңғы сағаттарда тұман түсуі ықтимал,- делінген ақпаратта.
Қазақстанның батыс аймағында ауа темпереатурасы түнде +13...+18°C, күндіз +20...+30°C шамасында болады. Ал солтүстік-батыс пен солтүстікте түнде +10...+18°C, күндіз +18...+26°C. Орталық облыстар мен оңтүстік-батыста аптап ыстық төмендейді деп күтілуде: күндіз +25...+33°C-тан +20...+28°C-қа дейін; Оңтүстік пен оңтүстік-шығыста +33...+38°C-тан +30...+35°C-қа дейін. Ал шығыс өңірлерде аптап ыстық сақталады, ауа температурасы күндіз +25...+30°C шамасында болады.
