«Ресей үшін жанын қиды»: Путин алғаш рет Солтүстік Корея әскері жайлы пікір білдірді
фото: Владимир Смирнов / Sputnik / ReutersРесей президенті Владимир Путин Солтүстік Кореяның (КХДР) бөлімшелеріне алғыс айтты, деп хабарлайды Ulysmedia.kz.
Путин Солтүстік Корея әскери қызметкерлерінің Ресей Федерациясының Курск облысындағы ұрыстар кезіндегі үлесін жоғары бағалады. Оның айтуынша, КХДР өкілдері қаһармандық пен арнайы дайындықтың жоғары деңгейін көрсетті.
Олар өз борыштарын абыроймен әрі ерлікпен орындады, мәңгі өшпес даңққа бөленді. Ресей халқы корейлік арнайы жасақ жауынгерлерінің ерлігін ешқашан ұмытпайды. Біз әрқашан Ресей үшін жанын қиған корей қаһармандарын құрметпен еске аламыз, – деді ол.
Бұған дейін КХДР өз бөлімшелерінің Украинаға қарсы соғысқа қатысқанын ресми түрде растаған еді. Солтүстік кореялық әскери қызметкерлердің Курск облысына Ким Чен Ынның бұйрығымен жіберілгені нақтыланды.
