Емтихан залына – «ХҚКО» қосымшасы арқылы
2025 жылдың басынан бастап Қызылорда облысының 1504 тұрғыны жол қозғалысына қатысушылардың қатарын толықтырып, жүргізуші куәлігін алды. 2025 жылғы 17 қаңтардан бастап Қазақстанда жүргізуші куәлігін алу алгоритмі өзгерді: теориялық және практикалық емтихандарға жазылу енді «ХҚКО» мобильді қосымшасы арқылы ғана мүмкін болады. Қосымша емтиханға жіберудің жалғыз алаңына айналғаннан бері қызметті 512 қызылордалық пайдаланды.Бүгінгі таңда Қызылорда облысында 846 000-нан астам адам тұрады. Бұл ретте, “Азаматтарға арналған үкімет» мемлекеттік корпорациясының өңірлік филиалының ақпараты бойынша облыстың 244 500 тұрғынының жүргізуші куәлігі бар. «ХҚКО» қосымшасы арқылы емтиханға жіберу кездейсоқ шара емес.
«Бұл қызметтің пайда болуымен емтиханға тіркелу бірнеше минутты ала бастады. «Азаматтарға арналған үкімет» жазбаның қарапайым және ыңғайлы болуын және қол жеткізу жүйесінің ашық болуын қамтамасыз етті. Қызмет қызылордалықтардың оң пікірлерін алуда», – дейді Қызылорда облысы бойынша мамандандырылған ХҚКО маманы Ақбота Доспаева.
«ХҚКО» қосымшасы арқылы емтиханға жазылу өтінім нөмірі бойынша жүргізіледі, оны алдын ала арнайы ХҚКО-дан алу қажет. Бұдан әрі «ХҚКО» қосымшасында «арнайы ХҚКО кезегін брондау» бөлімін, «теория/практика бойынша емтиханға жазылу» таңдап, ЖСН және өтінім нөмірін көрсету қажет. Осыдан кейін өтініш берушінің телефонына SMS код келеді. Үміткер аймақты, мамандандырылған ХҚКО, тапсыру күні мен уақытын таңдайды. Жазба туралы ақпарат «менің брондауым» бөлімінде қолжетімді болады.
Естеріңізге сала кетейік, қазақстандықтар теорияны үш рет тапсыра алады. Егер бірінші әрекет сәтсіз болса, үміткер келесі жұмыс күні қайта тапсыруға келуі мүмкін. Екі теріс нәтижемен үшінші емтиханға дейінгі аралық бір айды құрайды. Үш сәтсіз әрекет болған жағдайда үміткер екі айдан кейін келесі тапсыруға жіберіледі.
«ХҚКО» қосымшасын Google Play және App Store қосымшалары арқылы жүктеуге болады.
