Қызылорда облысында көлікті ер адамдарға қарағанда көбінесе әйелдер жүргізгісі келеді
Биыл жыл басынан бері Қызылорда облысында 5 228 тұрғын жүргізуші куәлігін алуға өтініш білдірсе, оның 2500–і нәзік жандылар, деп хабарлайды "Азаматтарға арналған үкімет"мемлекеттік корпорациясының Қызылорда облыстық филиалы.
Айта кетейік, 5 228 үміткердің жартысынан көбі, яғни 51%-ы теориялық емтиханды сәтті тапсырған. Ал 2 562 қызмет алушы емтиханнан өте алмауы салдарынан практикалық емтиханға жіберілмеген. Мұнымен қоса, өткен жылмен салыстырғанда биыл жүргізуші куәлігін алуға үміткерлер саны екі есеге азайған. Мамандандырылған бөлім қызметкерінің айтуынша, бұл емтихан талаптарының қатаңдатылуына байланысты болып отыр.
