Қазалы аграрлы-техникалық колледжі мен Талдықорған политехникалық жоғары колледжі өзара ынтымақтастық орнатты
Астана қаласында 2025 жылдың 11-15 ақпан аралығында Жұмысшы мамандықтар жылы аясында «Жұмысшы мамандықтар қаласы» фестивалі өтуде. Фестиваль болашақ мамандар мен жұмыс берушілердің, техникалық және кәсіптік білім беретін оқу орындарының әлеуметтік әріптестермен, техникалық және кәсіптік білім беретін ұйымдар мен жоғары оқу орындарының ынтымақтастығын арттыратын алаң болды.
Аталған шараға еліміздің жоғары оқу орындары мен колледждердің өкілдері мен білім алушылары қатысуда.
Фестиваль аясында "Қазалы аграрлы - техникалық колледжі" КМҚК директоры Мусаев Арман Қонысбайұлы мен "Талдықорған жоғары политехникалық колледжі" ШЖҚ МКК директоры Нұрғожаев Шыңғыс Болатұлы арасында сандық техниканы қолдану мақсатында өзара ынтымақтастық келісімі жасалды.
Бұл келісім білім беру ұйымдарының өзара тәжірибе алмасу, екі оқу орнының оқытушылары мен студенттеріне өз кәсібилігін арттыруға және білім беру бағдарламаларын өзектендіруге жаңа көкжиектер ашады деп күтілуде.
"ҚАЗАЛЫ" ақпарат
