"Кітап Аmanat": оқырмандар конференциясы өтті

Жазушының «Көшпенділер» романының тарихи маңызын, көркемдік ерекшеліктерін және қазақ әдебиетіндегі орны мен рөлін талқылауға бағытталған шараға кітапхана оқырмандары мен кітапханашылар, оқытушылар мен студенттер қатысты.

Әдеби шараға қатысушылар романның тарихи маңыздылығын, қазақ халқының мәдениеті мен тарихын тереңнен суреттегендігіне тоқталды. Олар жазушының шығармаларындағы қазақ жерінің кеңдігі, халықтың тұрмыс-тіршілігі, ерлік пен батырлық, сондай-ақ ұлттық рухты сақтау мен дамыту жолындағы күрестер жайында айтты.

Шарада кітапханашылар І.Есенберлиннің өмірі мен шығармашылығына арналған «Аты әлемге мәшһүр жазушы» атты баяндама оқып, «Тарих жанрының шебері» атты кітап көрмесімен таныстырды. Сондай-ақ «Қазақтың алмас қылышы» атты көрнекі таныстырылымды көпшілік назарына ұсынды.

Конференция соңында Қазалы қалалық кітапхана меңгерушісі Жанар Сейталиева: «Көшпенділер» трилогиясы тарихи аңыз қаһармандарының портретінен бастап көркем суреттеліп, аса шеберлікпен жазылған. Тарихи оқиғаларды осылай жазба әдебиеттің қажетіне жарату І.Есенберлин сияқты ұлы қаламгердің ғана қаламына тән», - деп жиынды қорытындылады.

#AMANAT