БЮДЖЕТТІК ҚАРЖЫНЫҢ МАҚСАТТЫ ЖҰМСАЛУЫ БАҚЫЛАУДА
Қазынашылық департаментінің бастамасымен былтыр мемлекеттік мекемелерге бас-аяғы 862 қызмет көрсетілді. Бюджет қаржыларының мақсатты жұмсалуы қадағаланып, олардың атқарылуы жіті бақылауда. Осыған сәйкес «Қазынашылық-Клиент» ақпараттық жүйесі арқылы барлығы 599 305 қаржылық құжат қабылданған. Сәйкесінше, оның 589 508-і өңделсе, 9 797 құжат кері қайтарылған. Бұл туралы Өңірлік коммуникациялар қызметінің ақпарат алаңында Қызылорда облысы бойынша Қазынашылық департаментінің басшысы Әуезбек Дүйсенбаев мәлімдеді.- Өткен жылы департаментке жеке және заңды тұлғалардан 39 өтініш келіп түсті. Арыз шағымдар уақытылы қаралып,тиісті жауаптар берілді. ҚР Тілдерді дамыту мен қолдауға арналған мемлекеттік бағдарламаны жүзеге асыру бойынша Қызылорда облысы бойынша қазынашылық департаментіндегі іс-құжаттар толығымен мемлекеттік тілде жүргізілді. Биыл да департаментке жүктелген функциялар мен міндеттер бекітілген жұмыс жоспарына сәйкес сапалы және уақтылы іске асырылмақ,- деді Әуезбек Сейткамалұлы.
