25 қаңтардан бастап пойыздарда интернет қосылады
Ертеңнен бастап заманауи спутниктік технологиялар арқылы пойыздарда интернет қосылатын болды. Бұл қызмет әзірге тек №3/4 «Астана-Алматы» пойызында қолжетімді болады.«Пилоттық жоба шеңберінде енді жолаушыларға сапар барысында WhatsApp, YouTube секілді қосымшаларды еркін пайдалануға және видео көруге мүмкіндік береді. Алайда файлдарды жүктеу сайттарына шектеу қойылады», - деп хабарлады «Жолаушылар тасымалы» АҚ баспасөз қызметі.
Сондай-ақ, билетті жылдам тексеруге арналған жолсеріктердің мобильді құрылғысы, вагондағы жағдайды бақылау үшін бейнебақылау жүйесі сынды бірқатар заманауи технологияны сынақтан өткізу көзделіп отыр.
Елдегі және әлемдегі соңғы жаңалықтарды Telegram арнадан оқи аласыздар: t.me/qazaqstantv
