Жастар есірткіге қарсы
Жас тілші: Қазіргі таңда есірткі мәселесі өте өзекті. Дүниежүзілік денсаулық сақтау ұйымының мәліметіне сәйкес, жыл сайын 500 мыңнан астам адам есірткіге байланысты қайтыс болып жатыр. Бұл мәселе Қазақстанда да, әсіресе жастар арасында өзекті болып отыр. Осы мәселе бойынша мектеп оқушыларынан сұхбат алсақ. Есірткі жайлы өз ойыңызды айтсаңыз?10 “А” сынып оқушысы Ораз Айдархан: Есірткінің құрамында көптеген химикат бар, және оны қолдануға кеңес бермеймін. Ол адам денсаулығына өте зиян келтіреді.
Жас тілші: Сәлеметсіз бе, есірткі жайлы өз ойыңызды айтсаңыз?
10 “А” сынып оқушысы Асылбекұлы Данияр: Есірткі қазіргі таңда ең қауіпті нәрселердің бірі. Әсіресе ол жастар арасында тез тарап жатыр. Есірткіні пайдалану денсаулыққа да, білім сапасына да, болашаққа да өте зиян. Мен оны пайдаланбауға кеңес беремін. Біз есірткіге қарсымыз!
Жас тілші: Есірткінің алдын алуға қандай шаралар ұсынасыз?
10 “А” сынып оқушысы Асылбекұлы Данияр: Есірткінің алдын алу үшін жастарды дұрыс тәрбиелеу керек. Егер ата-ана балаға дұрыс тәрбие беріп, есірткінің зиян екенін, спортпен шұғылдану қажет екенін және білімнің маңызын түсіндірсе, жастар салауатты өмір салтына бейімделіп, жақсы азамат болып өседі. Бұл олардың болашағының жарқын болуына ықпал етеді.
Жас тілші: Жауабыңызға рақмет, біраз мәлімет білдік.
Жақсы, сау болыңыз!
Мағжан Махамбетжан,
Ғ.Мұратбаев атындағы
№17 орта мектептің 10 А сынып оқушысы
