Адамзаттың қас жауы

Ертеде   Әли  деген  бала  болыпты.  Оның  жасы  10 - да.  Әлидің  Айбол  деген  досы  бар.  Олар  екеуі күнде бірге ойнайды,  сабаққа  бірге барады. Осылай арада 7 жыл  уақыт зымырап өтіп, 11-інші сыныпты да бірге тәмамдап шығады. Екеуі дипломдарын алып үлкен қалаға бет алды. Оқу  орнына ойдағыдай бір факультетке түседі. Олардың асқақ армандары, талай ауылда бірге асық ойнаған кездері әлі де естерінен кетпек емес. Үлкен қалаға келу олар үшін асқақ арман еді, бұл армандарыда орындалды. Екеуі бірге  қаланы аралады, тауларға шығып, саяхаттады. Қаланың жастарымен бірге түнгі клубтарын аралады. Бұл жер оларға бейтаныс жер. Кенеттен олардың қалалық достары есірткі пайдаланатын болып шықты және де Айбол оны өзі біліп Әлиге айтпады. Не үшін айтпады? Себебі, есірткінің дәмін өзі де татқысы келді. Айболдың қалалық достары Айболды есірткіден көп ақша табуға болатынын айтып еліктірді. Айбол есірткі тасу қауіпті іс болса да ақша үшін өз келісімін берді. Айболдың ойы бір-екі рет есірткіні тасымалдаушы боламын да қоямын деп өз-өзіне серт берді. Дегенмен нашақорлыққа өзі де кіріп бара жатқанын байқамады.Айбол  есірткінің  кесірінен   көрінген   адамға   қарызданып,  есірткіге  тәуелді  болып  кетеді. Айболдың науқастанғанын көріп Әли Айболды  тоқтатуға шешім қабылдайды. Екеуі келіспей достықтың арасына сызат түседі.  Айбол есірткісіз күн көре алмайтын дәрежеге жетеді. Айболдың өзінің айтқанын тыңдамайтын білген Әли Айболдың ата-анасына жүгінеді. Олар Айболдың мұндай халге түскенін көріп Айболды емдеуге жібереді. Арада 3 жылдан кейін Айбол бұрынғыша адам қалпына келіп, өз ісіне қатты өкінді. Бұл кезде Әли 4 курс студенті еді.
Менің  осы  ертегіден  түйгенім  есірткіні  ешқашан  қолдануға  болмайды.Есірткі адам өміріне балта шауып қана қоймай, адам денсаулығына кері әсерін тигізеді.