Есірткі және Айзаттың арманы
Баяғыда бір ауылда Айзат деген ақылды, арманшыл қыз өмір сүріпті. Ол үлкен биші болуды армандаған екен. Таңертеңнен кешке дейін түрлі билерді үйреніп, сахнада өнер көрсету туралы ойлапты. Бір күні оның досы Мәди Айзатқа келіп: – Айзат, шаршадың ғой, демалғың келмей ме? Мынау сиқырлы дәріні ішсең, күш-қуатың артады, әрі бәрі оңай болып көрінеді, – деп бір түйір есірткіні ұсынды.
Айзат күмәнданып: – Бұл не? Қауіпті емес пе? – деп сұрады. – Жоқ, бұл сиқырлы нәрсе, – деді Мәди. Айзат достықтан бас тартқысы келмей, есірткіні қолына алды. Бірақ кенет оның ішкі даусы: – Айзат, бұл дұрыс емес! Бұл – зиянды, – деді. Дәл сол сәтте орманнан ерекше жарық шықты. Ол жарықтан Көкпері есімді мейірімді пері пайда болды. – Айзат, мен сенің арманшыл, адал қыз екеніңді білемін. Бірақ бұл зат сені жаман жолға түсіреді. Егер қабылдасаң, сен денсаулығыңнан айырылып, армандарыңнан алыстайсың, – деді. Айзат ойланып қалды. – Рас айтасыз ба? Мен өз армандарымды орындағым келеді. Бірақ Мәди досым ғой... – деді ол. Көкпері мейірімділікпен жауап берді: – Нағыз дос сені қиындыққа итермейді. Мәдиге көмектесіп, оған дұрыс жолды көрсетсең, шын достықты дәлелдейсің. Айзат есірткіні Мәдиге қайтарып, былай деді: – Мәди, бұл бізге зиян! Мен саған көмектесемін. Бірге арман қуып, жақсы істермен айналысайық! Сол күннен бастап Айзат пен Мәди есірткіден аулақ болып, өз армандарын жүзеге асыру үшін бірге еңбек етті. Айзат үлкен биші болды, ал Мәди мықты спортшы атанды. Есірткі сиқырлы емес, зиянды. Нағыз күш – арман үшін таза жолмен күресу!
Сафура Смагулова,
Қазалы қаласындағы Ғ.Мұратбаев атындағы
№17 орта мектебінің 6«б»сынып оқушысы
