«Тамырымыз бір»
sn.kz. Әзербайжандық әнші, танымал "Istedim" әнінің орындаушысы Роза Зергерлі Қазақстанның халық әртісі Роза Рымбаеваға қатысты айтылған хейтке жауап берді. Бұл туралы ол Marat Oralgazin Youtube парақшасында жарияланған "Қызық Премия-2024" шығарылымының пікірлер бөлімінде жазып кетті, деп хабарлайды Skifnews.kz ақпарат порталы.
Пікірлер бөлімінде көпшілік халық әртісі бәріне түсінікті тілде сөйлеп көпшілікті ойлағанын, өзін жасанды ұстамағанын айтып, қолдаушылар да болды.
"Жұрттың Розасы - Роза…", "Халық Рымбаеваны тұрып қол шапалақтап қарсы алды. Дұрыс айтасыз, қазақша сөйлеуі керек еді", "Рымбаеваның өмірде ана тілінде жақсы сөйлейтінін, екі баласына керемет тәрбие бере алғанын елдің бәрі біледі ғой. Ол ТМД елдері тамашалайтындықтан көрерменге түсінікті болсын деп сөйлеп кетті ау. Роза апамыз қарапайым өмірде өте ғажап әрі мәдениетті сөйлейді" деген түрлі пікірлер қалдырды жұрт.
Әзербайжандық әнші Роза Зергерлі көптің пікіріне жауап берді. Роза Қуанышқызын сынға алған халыққа шығарылымның пікірлер бөлімінде ойын айтты.
"Қымбаттыларым менің! Ең бастысы - біздің тамырымыз бір. Роза ханым бізге халық арасында мыңдаған адамның мені тыңдап бірақ түсінбей отырған адамдардың бар екенін ұқтырды. Мен де сол тұста солай орысша сөйлеп, ол кісіге де, сіздерге деп жылы лебізімді білдіріп, қалжыңымды да айта алдым. Жаңа жыл құтты болсын! Мейірімді болайық! Сіздерді жақсы көремін", - деп жазды ол.
