Аудандық мәслихат төрағасы бастаған қонақтар ең бірінші Қазалы қаласындағы ардагерлер алаңында өткен салтанатты шараға қатысып, ондағы мерекелік шараны тамашалады.

Мұнан соң Әйтеке би кентіндегі орталық алаңда бас қосқан қазалылықтармен бірге мерекелік концерттің куәсі болды.

Аудан орталығындағы Жаңа жылдық мерекелік шарада аудандық мәслихат төрағасы Ғазиз Әліш сөз алып, барша аудан жұртшылығын мерекемен құттықтады. Сондай-ақ жыл басынан бері ауданда атқарылған жұмыстарды атап өтіп, жиылған жұртшылыққа мерекелік лебізін жеткізді.

- 2024 жыл Сыр өңірі үшін, оның ішінде қасиетті Қазалы ауданы үшін табысқа толы берекелі жыл болды. Аймағымыз биыл барлық макроэкономикалық көрсеткіштер бойынша республика бойынша алдыңғы орындарға шықты.

Жыл ішінде біздің ауданымызда түрлі әлеуметтік нысандар салынып, елді-мекендерді ауыз толтырып айтарлықтай жұмыстар жүрді, жаңа ғимараттар ашылып, халықтың әл-ауқаты жақсарды.

Келіп жеткен Жаңа жылда да барша қазалылықтардың жұмылған жұдырықтай бірлігінің арқасында жаңа зор табыстарға жететінімізге сенімім мол.

Жаңа жыл баршаңыздың отбасыларыңызға бақ-берекесін, қуанышын, елімізге тыныштық пен мол табыс әкелсін! - деді Ғазиз Әлмамбетұлы.

Мұнан кейін облыстық мәслихат депутаты Ибайдулла Тілеп сөз сөйлеп, аудан жұртшылығын мерекемен құттықтады.

Салтанатты шарада қазалылық жас әнші Айбек Қайбулла және жергілікті өнерпаздар аудан тұрғындары мен қонақтарына әсем әннен шашу шашып, өнерлерін көрсетіп, көтеріңкі көңіл-күй сыйлады.

Айта кетейік, мерекелік кеште жиналған көпшілік от шашу тамашалап, жаңа жылды ерекше қарсы алды.

©️Қазалы ауданы әкімінің баспасөз қызметі