Алимент төлемей, миллиондаған теңгесін букмекерлік кеңседе ұтылып қалған ата-аналар жазаланды
Қызылордада баласына алимент төлемей жүргендер анықталды
Фото: istockphoto.com
Фото: istockphoto.com
Қызылорда қаласында баласына алимент төлемей жүргендер букмекерлік кеңселерге қыруар қаражатын салып, бәс тігіп жүргені анықталды, деп хабарлайды Azattyq Rýhy.
Белгілі болғандай, биыл алимент төлеуден жалтарған 135 адам әкімшілік жауапкершілікке тартылса, 4 борышкер қылмыстық жауаптылыққа тартылды.
Олардың арасында біреуі баласына алимент бойынша қарызы 5,2 млн теңгеге жеткен, ал ол 2 млн теңгеге жуық ақшасын букмекерлік кеңсеге тігіп, ұтылып қалған.
«Аталған борышкерге қатысты Қазақстан Республикасының Қылмыстық Кодексінің 139-бабымен қылмыстық іс тіркеліп, алимент қарызын толық өтегеннен кейін жәбірленушімен татуласып, ақталмайтын негіздермен қылмыстық іс тоқтатылды.Алиментті уақытында және толық көлемде төлеу – бұл әр ата-ананың міндеті мен парызы», - делінген прокуратура хабарламасында.
