Құрылыс жағдайы қадағалануда
«AMANAT» партиясы Қазалы аудандық филиалының партиялық бақылау комиссиясы Қызылорда облысының бақылау жөніндегі басқармасымен бірлесе аудандағы бірқатар құрылыс нысандарына мониторинг жұмыстарын жүргізді. Оған облыстық бақылау жөніндегі басқарма басшысы Ғанижан Қалиев, партиялық бақылау комиссиясының төрағасы, аудандық мәслихат депутаты Әділбек Сарабеков және комиссия мүшесі, аудандық мәслихат депутаты Бөлебаев қатысты.Мониторинг жұмыстары ең алдымен Жаңқожа батыр ауылында салынып жатқан «Жайлы мектеп» құрылысына жүргізілді. Құрылыс жұмыстарымен «Асар» ЖШС айналысуда. Негізгі атқарылып жатқан жұмыстар ішкі әрлеу, сыртқы абаттандыру және т.б. Жалпы құрылыс басында 170 адам жұмыс істейді.
Сондай-ақ зерделеу аудан орталығындағы «Руханият» орталығы мен «Жеңіс» саябағында салынып жатқан спорт кешені құрылысына, кентішілік күрделі жол жөндеу, орталық алаңды және Жаңқожа батыр көшесі бойын абаттандыру жұмыстарымен жалғасты.
Мониторинг барысында мердігер мекемелерге құрылысты бекітілген кестеге сәйкес жүргізілу қажеттігі, техникалық, авторлық қадағалаушыларға құрылыс нысандарына бақылауды күшейту керектігі ескертілді.
«ҚАЗАЛЫ» ақпарат
