Жаңа зерттеу жерлеу қызметтері бағасының күрт өскенін анықтады. Елімізде кейінгі рет бір жылда жерлеу қызметтерінің құны айтарлықтай өскен. Мысалы, биылғы қыркүйектегі баға бойынша 11,6 пайызға өсті. Елдің кейбір аймақтарында жерлеу қызметтерінің құны 90 пайызға дейін қымбаттаған. Мысалы, Батыс Қазақстан облысында жерлеу қызметтері 87,7 пайызға көтерілген. 

 Астана – 30,3 пайызға;

Жетісу облысы – 33,3 пайызға;

Маңғыстау облысы – 27,9 пайызға;

Қостанай облысы – 25,5 пайызға;

Қарағанды облысы – 25 пайызға;

Абай облысы – 23,2 пайызға қымбаттаған. 

Бұл ретте Жамбыл облысында баға 1,2 пайызға ғана өскен, бұл республика бойынша ең төменгі көрсеткіш. Ақмола, Ақтөбе, Алматы, Атырау және басқа да бірқатар облыстарда жерлеу қызметтерінің бағасы өткен жылмен салыстырғанда өзгерген жоқ.

Соның салдары ма, Қазақстанда жерлеу қызметтері мен онымен байланысты қызметтерге сұраныс азайды. 2024 жылдың бірінші жартыжылдығында жерлеу қызметінің құны 2,9 млрд теңгені құрады, бұл өткен жылдың сәйкес кезеңімен салыстырғанда 19,2 пайызға аз.

2022 жылдан бастап көлемнің төмендеу тенденциясы байқалды, бұл көрсеткіштер ең жоғары деңгейге жеткен. Жерлеу қызметтеріне жерлеу, кремация, оларға дайындық, зират учаскесін сатып алу, сондай-ақ қабірлер мен кесенелерді күту кіреді. Айта кетерлігі, бұл санатқа діни рәсімдер мен қабір күтімі кірмейді.

 Жерлеу қызметтерінің қымбаттауы Қазақстанда өлім-жітім деңгейінің артуы аясында орын алып жатыр. 2024 жылдың алғашқы жеті айында елде 78 мың адам қайтыс боған, бұл 2023 жылдың сәйкес кезеңімен салыстырғанда 4,2 пайызға көп. Ең көп өлім-жітім Алматыда тіркелген, онда қаңтар-шілдеде 7,1 мың адам көз жұмған. Бұл бір жыл бұрынғыдан 4,6 пайызға артық. Одан кейін Қарағанды облысы (6,3 мың адам, өсім 1,8 пайыз) және Түркістан облысы (5,9 мың адам).