Қазақ қызы тұңғыш рет ММА бойынша әлем чемпионы атанды
Әлеуметтік желіденҚазақстандық аралас жекпе-жек шебері Мөлдір Әшірбекова қыздар арасында IMMAF MMA бойынша елімізден шыққан тұңғыш чемпион атанды.
Аралас жекпе-жектен әлем чемпионаты Халықаралық аралас жекпе-жек федерациясының ұйымдастыруымен (IMMAF) Ташкентте (Өзбекстан) өтіп жатыр. Мөлдір Әшірбекова 74,8 келі салмақта өнер көрсетіп, алтын медаль жеңіп алды.
Финалда отандасымыз мексикалық Мелисса Диас Мединамен кездесіп, 13:1 есебімен жеңіске жетті.
