Мемлекет басшысы референдумда дауыс берді
Мемлекет басшысы Қасым-Жомарт Тоқаев елордадағы сайлау учаскесіне барып, АЭС салу бойынша референдумда дауыс берді, беп хабарлайды Egemen.kz.Бүгін Қазақстанда атом электр станциясын салу бойынша жалпыхалықтық референдум өтіп жатыр.
Өз учаскелерінде ҚР Мемлекеттік кеңесшісі Ерлан Қарин, ҚР Премьер-министрі Олжас Бектенов, Алматы әкімі Ерболат Досаев және ҚР Энергетика министрі Алмасадам Сәтқалиев дауыс берді.
Бұған дейін Сеулдегі №390 және Токиодағы №393 референдум учаскелері жергілікті уақыт бойынша сағат 7:00-де дауыс беру үшін бірінші болып ашылғаны туралы хабарланған еді.
59 шет мемлекетте дауыс беру үшін 74 учаске құрылды. Шетелдегі барлық учаскелер Қазақстанның дипломатиялық өкілдіктерінің аумақтарында ұйымдастырылған.
Естеріңізге сала кетейік, 2024 жылдың 2 қыркүйегінде ҚР Президенті Қасым-Жомарт Тоқаев АЭС бойынша референдум күнін 2024 жылдың 6 қазанына белгілеп, оны өткізу туралы Жарлыққа қол қойған еді.
