Қазақстанда күн сайын екі әйел қатерлі ісіктен көз жұмады
Фото: pixabay.comҚР Денсаулық сақтау министрлігі бүгінгі күні папилломавирусы инфекциясының және жатыр мойны обырының дамуының алдын алудың бірден-бір әдісі екпе екенін мәлімдеді, деп хабарлайды Orda.kz ҚР Денсаулық сақтау министрлігіне сілтеме жасап.
Денсаулық сақтау министрлігінің мәліметінше, Қазақстанда жыл сайын жатыр мойны обырының 1900-ге жуық жаңа жағдайы тіркеледі (күн сайын бес жаңа жағдай), осы патологиядан жыл сайын 600-ден астам әйел (күніне екі әйел) қайтыс болады.
Дүниежүзілік денсаулық сақтау ұйымының ұсынымдарына сәйкес, 135 елде, соның ішінде Қазақстанда да бұл екпе Ұлттық екпе егу күнтізбесіне енгізілген.
Бүкіл әлем бойынша көптеген зерттеулер папилломавирусы инфекциясы екпесінің қауіпсіздігі мен жоғары тиімділігін көрсетеді.
Денсаулық сақтау министрлігі әлеуметтік желілерде екпенің қауіптілігі туралы жалған хабарламалар пайда бола бастағанын мәлімдеді.
«Әлеуметтік желілерде және жедел мессенджерлерде адам папилломавирусы індетіне қарсы екпе зарарсыздандыруға және бедеулікке әкелетіні туралы таралып жатқан ақпарат ғылыми негізделмеген, шындыққа жанаспайды және жалған.
Жалған ақпарат таратқан тұлғалардың әрекетіне құқықтық баға беру үшін материалдар құқық қорғау органдарына берілді», деп ескертті ҚР Денсаулық сақтау министрлігі.
Денсаулық сақтау министрлігі қазақстандықтарды өз денсаулығына жауапкершілікпен қарап, тек ресми ақпарат көздерінен алынған дұрыс ақпаратқа сенуге шақырды.
