«Кітап – аманат» жобасы аясында көрме ұйымдастырылды
Қазақтың ұлы ақыны, ойшылы, қазақ жазба әдебиетінің негізін қалаушы ұлы Абай атамыздың күніне орай бүгін аудандық партия филиалының «Орталық» бастауыш партия ұйымында партияның «Кітап-AMANAT» жобасы аясында «Кемеңгерліктің биік шыңы – Абай» атты кітап көрмесі ұйымдастырылды. 10 тамыз Абай күніне арналған бұл көрмеде ұлы ақынның өлеңдері мен қарасөздер жинағы, Абайтануға арналған, оның өмірі туралы зерттеу еңбектері болды.Көрмеге «Орталық» БПҰ төрағасы Бабанаев Совет Кеңесұлы мен бастауыш партия ұйымына қарасты топтық ұйымдардан партия мүшелері қатысты.
Абай сөзі - халқымыздың рухын асқақтатып, еңсесін түзеген аталы сөз. Қазақ халқы ұлы ақынның мұрасы арқылы толысып өсті. Ұлы Абай шығармаларынан қазақ баласының салауатты тәрбие алып, ұлттық өсіп-өнуіне қажетті көптеген өсиет сөздерді табуға болады. Оның шығармалары мен қара сөздері қазақ халқын ғана емес, жалпы адамзат баласын екі ғасырдан бері рухани құндылықтарға жетелеп келе жатқаны белгілі-деді Совет Кеңесұлы.
Бұдан соң кітапхана қызметкерлері тарапынан жиналғандарға көрмеге қойылған кітаптар мен ақынның шығармалары таныстырылды.
#AMANAT
