Кітап көрмесі: Тәуелсіздік – мәңгілік ел мұраты
Бүгін «Ұлттық мұра» партиялық жобасы аясында «Өнерпаз» БПҰ-ның ұйымдастыруымен қазақ мемлекеттілігінің көпғасырлық қалыптасу тарихын таныстыруға, Тәуелсіздіктің құндылығын дәріптеуге бағытталған «Тәуелсіздік – мәңгілік ел мұраты» атты аудандық орталықтандырылған кітапханада кітап көрмесі ұйымдастырылды.Тақырыпқа сай безендірілген көрмеде кітапханашылар тәуелсіздікке жету жолындағы халқымыздың бастан өткерген тарихы туралы кеңінен мағлұматтар беріп, еліміздің дербес мемлекет ретінде қалыптасу тарихына шолу жасады.
Аталмыш іс-шараға аудандық партия филиалының Атқарушы хатшысы Нұрғиса Жалғасбаев, аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің басшысы, «Өнерпаз» БПҰ төрағасы Совет Бабанаев арнайы қатысып, көрмені ұйымдастырушыларға ризашылықтарын білдіріп, алдағы жұмыстарына сәттілік тіледі.
