Аудан әкімінің құттықтауы
Құрметті көлік саласының қызметкерлері!Қадірлі сала ардагерлері!
Баршаңызды көлік қызметкерлері күні мерекесімен шын жүректен құттықтаймын!
Көлік және теміржол салалары – еліміздің әлеуметтік-экономикалық жағдайына тікелей әсер ететін экономиканың негізгі күші.
Тыныс-тіршілігіміз үшін маңызды саланы алға жылжытуға білікті де білімді, іскер де қабілетті маман ретінде сіздер өзгелерге үлгі-өнеге болып, ауданымыздың әлеуметтік-экономикалық деңгейінің артуына өлшеусіз үлес қосып келесіздер.
Мезгілдің ыстық-суығымен күні-түні жол жүріп, ел абыройы мен ризығын молайтып, өзіне жүктелген міндетті мүлтіксіз орындап жүрген мамандар қандай мадақ, марапатқа да лайық. Себебі көлік және теміржол саласы қызметкерлеріне, яғни, сіздерге жүктелетін міндет те ауқымды.
Құрметті көлік саласының қызметкерлері!
Бүгінгі кәсіби мерекелеріңізбен тағы құттықтай отырып, өздеріңізге зор денсаулық, отбасыларыңызға амандық, еңбектеріңізге жеміс тілеймін.
Құрметпен аудан әкімі
Мейрамбек ШЕРМАҒАНБЕТ
