Мемлекеттік сатып алу саласындағы бұзушылықтар үшін лауазымды тұлғалар жазаланды
Фото: PexelsМемлекеттік сатып алу саласының шеңберінде мемлекеттік органдар тарапынан көптеген бұзушылықтар болғандығын прокуратура қызметкерлері анықтады.
Бұзушылықтардың бірі соттарға немқұрайлы жеткізушілерге қатысты талап арыздарды уақытылы бермеу және соңғысын жосықсыз қатысушылар деп тану туралы заңды күшіне енген сот актілерін жібермеу фактілері. Тапсырыс берушілердің әрекетсіздігі нәтижесінде 6 жосықсыз жеткізуші конкурстарға қатысу және келісім-шарттар жасау арқылы мемлекеттік сатып алу саласына қатысуды жалғастырған.
Заң бұзушылыққа жол бергені үшін қадағалау органының актісі бойынша 21 лауазымды адамды Қазақстан Республикасының «Әкімшілік құқық бұзушылық туралы» Кодексінің 207-бабы бойынша әкімшілік жауапкершілікке Солтүстік Қазақстан облысының прокуратурасы тартты.
