Еліміздің басым бөлігінде жаңбыр, бұршақ жауады
Қазгидромет синоптиктерінің болжамы бойынша, 25 шілдеде еліміздің басым бөлігінде жаңбыр, бұршақ жауып, найзағай ойнайды, екпінді жел соғады.Еліміздің батысы мен солтүстік-батысында нөсер жаңбыр жауады. Республиканың солтүстігінде түнде және таңертең тұман түседі.
Күндіз Қызылорда, Жамбыл, Алматы, Түркістан облыстарында, Жетісу, Абай, Ұлытау облыстарында, Қарағанды облысының оңтүстігінде қатты ыстық болады.
Күндіз Алматы облысында, Жетісу облысының орталығында күн ысиды.
Қызылорда, Түркістан, Атырау облыстарында, Батыс Қазақстанның орталығында, Қарағандының солтүстік-батысында, Жамбылдың оңтүстік-шығысында, батысында, Алматының оңтүстігінде, оңтүстік-батысында, Ақтөбеде, Шығыс Қазақстанның оңтүстігінде, Абай облысының орталығында, Ұлытау облысының батысында және шығысында жоғары өрт қаупі бар.
Маңғыстау облысында, Атырау облысының солтүстігінде, шығысында, оңтүстігінде, Қостанайдың оңтүстігінде, Түркістанның шөлді аймақтарында, Қызылорданың оңтүстігінде, орталығында, Батыс Қазақстан облысының оңтүстігінде төтенше өрт қаупі бар.
