Тұрғын үй құрылысы қарқынды
Кеше Қазақстан Республикасының Парламенті Сенатының депутаттары Наурызбай Байқадамов пен Руслан Рүстемов Қазалы ауданына жұмыс сапарымен келді. Іс сапар аясында аудан орталығында жүргізіліп жатқан бірқатар құрылыс нысандарын аралап көрді. Соның бірі халықтың әлеуметтік осал топтарына коммуналдық тұрғын үй қорынан тұрғын үй сатып алу үшін салынып жатқан тұрғын үйлердің құрылыс жұмыстарының барысымен танысты.Қазіргі таңда 154 пәтерлі 77 үйдің құрылысы қарқынды жүруде. Құны 12,713 млн.теңге болатын 1 пәтердің жалпы ауданы 82,5 ш/м құрайды. Тұрғын үйлердің құрылыс жұмыстары биыл күз айында аяқталып, тұрғындар игілігіне пайдалануға беріледі деп жоспарлануда. Халық қалаулылары ел игілігіне берілетін нысанның сапалы әрі уақытылы тапсырылуы қажет екендігін жеткізді.
Айта кетейік, Сенат депутаттарымен бірге тұрғын үй нысанының құрылысын көруге партия филиалының төрағасы Ғазиз Әліш пен Атқарушы хатшысы Нұрғиса Жалғасбаев арнайы барды.
#AMANAT
