Мәжіліс депутаттары аудандағы шағын өндірістік нысандардың жұмысымен танысты

Алдымен депутаттар Әйтеке би кентіндегі жиһаз және пластикалық бұйымдарын шығару цехында болды. Бұнда соңғы екі жылдан бері ағаштан жасалатын жиһаздың барлық түрлері мен пластикалық есік-терезелер дайындалады. Жеке кәсіпкер, цех басшысы Бақдәулет Шәміл-Ырыстының айтуынша жергілікті тұрғындар тарапынан тапсырыс жоғары. Осы орайда 4 адам жұмыспен қамтылып отыр.

Мұнан соң депутаттар «Ауыл аманаты» жобасы аясында ауданда жүзеге асып жатқан алғашқы жобалардың бірі «Тоlkin_tattileri» кондитерлік цехының жұмысын көрді. Жеке кәсіпкер Толқын Бижанова 2023 жылы аталған жоба аясында 2,5 пайыздық мөлшерде 7 млн. теңге несие алып, бүгінде тұрғындарға кондитерлік өнімдерді ұсынып отыр.

Өз кезегінде халық қалаулылары жалпы кәсіпкерлікті қолдау жұмысы партияның басты басымдықтарының бірі саналатынын атап өтіп, шағын өндірістік нысандардың жұмысы әрі қарай өрлей беруіне тілектестіктерін білдірді.

#AMANAT