Партиялықтармен домбыра күні атап өтілді
Ұлы мұрамызды ұлықтайтын қасиетті мереке – Ұлттық домбыра күніне орай «AMANAT» партиясы Қазалы аудандық филиалының «Дарын» бастауыш партия ұйымының ұйымдастыруымен «Күмбірлеген — домбыра» атты мерекелік шара өткізілді.Шара барысында «Дарын» бастауыш партия ұйымының төрағасы Болат Жолтаев Ұлттық домбыра күнімен құттықтап, бұл күні руханиятқа деген зор құрмет, баршамызға ортақ құндылықты ұлықтау деп түсіну керек екенін атап өтті.
«Домбыра — қазақтың қадірі мен қасиетін атадан балаға жалғап келе жатырған жәдігер. Сондықтан әр қазақтың төрінде тұратын домбыраның орны бөлек. Домбыра әрбір қазақтың рухын көкке көтеретін құнды қазынамыз болуа тиіс. Ұлттық рухымыз, ұлттық қазынамыз, ұлттық домбырамыз жасай берсін», - деді Болат Әбенұлы.
Мұнан соң шара «Ұлттық мұра» партиялық жобасы аясында ұлттық жәдігерлерімізді дәріптеуге бағытталға көрмемен және тақырыптық кітап көрмесімен жалғасты. Сондай-ақ Қазалы ауданының құрметті азаматы, «Атамұра» ардагерлер халық ансамблінің жетекшісі Орақ Баубеков өзінің төл туындысы орындаса, «Атамұра» арагерлер халық ансамблінің мүшесі Гүлдәрі Өтеулиева мен бірқатар жас домбырашылар халық күйлері мен жырларды орындады.
#AMANAT
