Мектеп құрылысы қарқынды жүруде
Қазалы ауданы бойынша «Жайлы мектеп» ұлттық жобасы аясында 2 мектептің құрылысын салу жоспарланған болатын. Соның бірі Жанқожа батыр ауылындағы құрлысы қарқынды жүргізіліп жатқан 300 орындық мектеп.Аудан әкімі Мейрамбек Шермағанбет Жанқожа батыр ауылына арнайы барып, құрылыс жұмыстарының барысымен танысты.
Қазіргі таңда жаңа білім ордасының бірінші қабатының кірпішін өру жұмыстары аяқталуға жақын. Құрылыс барысын көрген аудан басшысы аудандық құрылыс, сәулет және қала құрылысы бөлімінің басшысы мен мердігер мекеме жауапты қызметкеріне құрылыс жұмыстарын сапалы әрі уақытылы жүргізілуін қадағалауды тапсырды.
Білім ордасының құрылысы толықтай аяқталғаннан кейін «Жайлы мектеп» жаңа модификацияланған кабинеттермен жабдықталады. Сондай-ақ оқушылардың сапалы тобілім алуына толық жағдай жасалып, жоғары және бірінші санатты мұғалімдер құрамының пайыздық үлесін, педагогикалық қызметкерлердің біліктіліктерін арттыруға барлық жағдай жасалады.
"ҚАЗАЛЫ" ақпарат
