Жеңіс саябағындағы «Тағзым» алаңына гүл шоқтары қойылды
Жеңіс күні – Ұлы Отан соғысы жылдарындағы халқымыздың батырлығы мен қайсарлығын еске алатын айтулы мереке. Осыған орай Жеңіс саябағындағы «Тағзым» алаңында елі үшін жанын құрбан еткен сарбаздар рухына тағзым етіліп, гүл шоқтары қойылды.Шараға аудан әкімі Мейрамбек Шермағанбет, «AMANAT» партиясы Қазалы аудандық филиалының төрағасы Ғазиз Әліш, партияластар мен ардагерлер және аудан тұрғындары қатысты.
Алаңға жиналғандар ең алдымен майдан даласынан оралмаған боздақтарды бір минут үнсіздікпен еске алды. Мұнан соң аудан әкімі Мейрамбек Шермағанбет жиынға қатысушылар мен аудан тұрғындарын Ұлы Жеңістің 79 жылдығымен құттықтады.
Сонымен қатар аудандық ардагерлер кеңесінің төрағасы Оразғали Бекпанов пен Ауған соғысының ардагері, генерал-майор, жерлесіміз Әлімжан Ерниязов сөз сөйлеп, мерекеге орай ізгі лебізін білдірді.
#AMANAT
