«Айбын-2024» әскери-патриоттық сайысы өтті
Жалаңтөс баһадүр атындағы орталық стадионда «AMANAT» партиясы Қазалы аудандық филиалының, аудандық білім бөлімі мен аудандық Жастар ресурстық орталығы ұйымдастырған «Айбын – 2024» әскери-патриоттық сайысының аудандық кезеңі өтті.Сайысқа арнайы қатысқан аудандық партия филиалының төрағасы Ғазиз Әліш алғы сөзбен ашып, барша қатысушыларға сәттілік тіледі.
Аудандағы әр мектептерден құралған 6 аймақ бойынша 90 оқушы қатысып, тартысты додада бақ сынады. Олар қашықтыққа жүгіріп, АК-74 оқу қаруын толық емес бөлшектеу және жинақтау сайысында дайындық деңгейлерін көрсетті.
Сонымен қатар, арқан тарту, белтемірге тартылу сынды басқа да сайыстарда жарысқа түсті.
Сайыстың жалпы командалық есебінің қорытындысы бойынша,
№25, №225, №93, №96 және №97 мектептерден құралған команда жүлделі бірінші орынды иеленсе,
екінші орынды №16, №90, №17 мектептің оқушыларынан құралған команда қанжығасына байлады.
Ал үшінші орынға №92, №103, №182 және №78 мектептерден құралған команда лайық деп танылды.
Жеңімпаздарға дипломдар, кубоктар мен медальдар, бағалы сый-сияпаттар табысталды. Мұнан бөлек жекелей сайыстар бойынша да жүлдегерлер анықталды.
Марапаттау рәсімінде партия филиалының Атқарушы хатшысы Нұрғиса Жалғасбаев әскери-патриоттық сайыстың басты мақсаты жастардың бойында патриоттық рухты оятып, олардың әскери қызметке деген қызығушылығын арттыру екенін атап өтті.
#AMANAT
