Бұл апатты да елмен бірге еңсереміз

Қазіргі таңда еліміздің бірқатар аймақтарында қардың күрт еруіне байланысты қиын жағдай орын алуда. Осыған сәйкес Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеуін жариялады.

Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы.

Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі-деді Президент.

Үкімет тарапынан қазіргі таңда барлық қажетті шаралар қабылданып жатыр. Апат айтып келмейтінін бәріміз білеміз. Әлеуметтік желіде түрлі бағытта әңгімелер айтылуда.Ел басына күн туған шақта бір-бірімізге қолдау көрсетіп, сынап емес, шығатын жолды тауып бірігу керекпіз. Қиын-қыстау кезеңді бастан кешіріп жатқан бауырларға сабыр тілеймін. Елімізде тыныштық, бейбітшілік заман болсын.

Райымбек Бөлебаев,

Қазалы аудандық мәслихат депутаты