WhatsApp, Instagram және Facebook желілері әлем бойынша істен шықты
![](https://stan.kz/download/uploads/2024/04/full_1712200737a39ca1925bf7a363db62cdbf5e815920_webp.webp)
Әлемдегі желі қолданушылары Facebook, Instagram әлеуметтік желілері мен WhatsApp мессенджерінде ақау болғанына шағымданды. Бұл туралы Stan.kz ақпарат агенттігі хабарлайды.
Downdetector дерегі бойынша, шағымның көбі еуропалық қолданушылардан түскен.
Олар WhatsApp ашылмай қалғанын хабарлаған. Сонымен қатар мессенджердің веб-нұсқасына кіре алмай, хат ала алмай қалғанын мәлімдеді.
Ал Instagram пен Facebook пайдаланушылары қосымшаны пайдаланғанда іркіліс бар екеніне шағым айтты.
Айта кетейік, кеше мәжіліс депутаты Елнұр Бейсенбаев ұялы байланыс операторларының тариф бағасын негізсіз қымбаттатып, халықтың қалтасын қағып отырғанын айтып, мәселе көтерді.
“Бәсекелестікті қорғау және дамыту агенттігінің мәліметінше, ұялы байланыс қызметтерінің тарифтік жоспары 2023 жылы 57%-ке дейін өскен. Ал 2021-2022 жылдары тарифтердің өсуі орташа алғанда 13-тен 37% дейін болған. Атап айтсақ, 2023 жылдың сәуірінде Билайн "Яркий" тарифтік жоспарын 1790 теңгеден 2490 теңгеге дейін (өсім – 39%) қымбаттатты, Кселл мен Теле2 тамыз айынан бастап әртүрлі тарифтік жоспарының өсетінін мәлімдеген. Атап айтқанда, "Реальный безлимит" (Кселл) 3390 теңгеден 4390 теңгеге (өсуі 29 %), "Просто супер" (теле2) 2590 теңгеден 3290 теңгеге (өсуі 27 %) өсті”, – деді Бейсенбаев.