Осы орайда бүгін партияның Қазалы аудандық филиалының төрағасы, аудандық мәслихаттың төрағасы Ғазиз Әліш пен аудан әкімінің орынбасары Күнтілес Назымбеков аудан кәсіпкерлерімен кездесіп, Ақтөбе өңіріне қолдау көрсету жұмыстарына атсалысуға, игі іске үлес қосуға шақырды.

Өз кезегінде облыстық мәслихат депутаты, «Тілеп» ЖШС директоры Ибайдулла Тілеп апаттан зардап шеккен азаматтарға және аталған аймаққа қолдан келгенше қолдау болатындығын айтса, өзге кәсіп иелері де шет қалмайтындарын жеткізді.

Аталған өңірге Қазалы ауданынан алғашқы гуманитарлық көмек тиелген жүк көліктері ертең жолға шығады деп жоспарлануда.

Айта кетейік, көмек қолын созамын деген тұрғындар үшін аудандық Жастар ресурстық орталығы (бұрынғы Наурыз кинотеатры) ғимаратында арнайы қабылдау пункті жұмыс істеуде. Мекен-жайы: Әйтеке би кенті, Әйтеке би көшесі №50

#AMANAT