Аудан басшысымен кездесуге «Қазалы Тұлпары» ЖШС директоры, ардагер құрылысшы Ашықбай Тоғымов, «Қазалы Строй Сервис» ЖШС директоры Әділбек Сарабеков, «Намыс құрылыс» ЖШС директоры Әбдімәлік Өтеулі, «Болашақ» ЖШС директоры Панабек Әлиев, «Нұрас и К» ЖШС директоры Нұркен Ботабаев, «Энергомера» ЖШС директоры Бекетай Мұхашев, «Сарым Құрылыс» ЖШС директоры Райымбек Бөлебаев сынды бірқатар құрылыс мекемелерінің басшылары қатысты.

Мұнан соң ауданда атқарылып жатқан құрылыс жұмыстары сөз болып, аудан басшысы ең бірінші кезекте сапаға мән берілу қажеттігін тапсырды. Сонымен қатар, биыл бірнеше нысанның құрылысы басталатынын тілге тиек етті.

Кездесу барысында ардагер құрылысшы Ашықбай Тоғымов пен «Намыс құрылыс» ЖШС директоры Әбдімәлік Өтеулі ауданда алдағы уақытта басталатын жобалармен жергілікті мердігер мекемелердің айналысуы жөнінде өз ұсыныстарын жеткізді.

Басқосуды аудан әкімі Мейрамбек Шермағанбет қорытындылап, аудан халқының әлеуметтік жағдайын жақсарту, ауданды көркейту, дамыту бағытында жаңа жобалармен тың идеяларға әрдайым қолдау білдіретіндігін жеткізіп, бұл бағытта бірлесе жұмыс жасауға шақырды.