Қазалы Qazaly.kz ақпараттық агенттігі
» » Қадірлі кісі қартаймас

Қадірлі кісі қартаймас

Аудандық Роза Бағланова атындағы мәдениет орталығында мәдениет саласының ардагері Кенжебай Мақсатбаевтың 70 жасқа толуына арналған «Жаныңда жүр жақсы адам» атты мерейлі әдеби-сазды кеш өтті. Ауыл көрінісін бейнелеумен басталған шарада ұйымдастырушылар кейіпкердің балалық шағынан бастап жігіттік кезеңге дейін өмір жолын көрініспен көрсетті. Әдемі кеш әуезді әнге ұласып, кеш кейіпкері 45 жыл отау құрған зайыбына арнап, «Менің дағы бір аққуым бар шығар» әнін орындады.
Мұнан соң сахна төрінен орын алған аудан әкімінің орынбасары Дәурен Тлеуімбетов Кенжебай Мақсатбайұлына жылы лебізін білдіріп, облыс әкімі Нұрлыбек Нәлібаевтың құттықтауын табыстады.
– Сіздің шығармашылығыңыз өнер жолынан өз орынын тауып, Тәуелсіз мемлекетіміздің мәдени күш-қуатын еселеп келеді. «Лақалы» ЖШС директоры лауазымында кәсіпкерлік қызметін дамытуға, жұмыспен қамту, бизнестің әлеуметтік жауапкершілігін арттыруға айырықша атсалыстыңыз. «Арал балық» инспекциясының бас маманы ретінде де су айдындарын сақтау, балық шаруашылығын қолдау бағытында маңдай теріңізді төктіңіз. Елдің берекесіне жанашыр болдыңыз. Қазақ «қадірлі кісі – қартаймас» дейді. Еңбекпен тапқан абыройыңыз, елдікті ойлаған пейіліңіз арқылы сіз өнегелі жолыңызды қалыптастырдыңыз. Мерейлі мезетте сізге мықты денсаулық, сарқылмас күш-қуат, отбасыңызға бақ-береке тілеймін, – деді ол.
Концерттік бағдарламамен жалғасын тапқан жиында Кежебай Мақсатбаевтың «Сүйген жарға», «Қимаймын», «Жалғыз аққу», «Жайлауда» әндері орындалып,мәдениет майталманының көрсетілген құрметке алғыс білдіруімен қортындыланды.
Жанна МИХА
24 ақпан 2024 ж. 123 0

Ұлттық жоба жемісі

20 сәуір 2024 ж. 84

Киелі мекен - Жанкент

19 сәуір 2024 ж. 222

Жаңалықтар мұрағаты

«    Сәуір 2024    »
ДсСсСрБсЖмСбЖс
1234567
891011121314
15161718192021
22232425262728
2930