Қазалыда конституция күніне орай салтанатты шара өтті

Мерекелік кеште алдымен көк туымыз сахна төріне шығарылып, мемлекеттік Гимн орындалды. Мұнан соң аудан әкімі Мұхтар Оразбаев сөз алып, жиналған жұртшылықты мерекемен құттықтады.

– Сіздерді тәуелсіз ел тарихындағы ең басты мерекенің бірі – Қазақстан Республикасының Конституциясы күнімен шын жүректен құттықтаймын!

Осыдан 28 жыл бұрын жалпыхалықтық референдумда дауыс беру арқылы еліміздің негізгі Заңы қабылданды. Осылайша тәуелсіз Қазақстан зайырлы, құқықтық және біртұтас мемлекет деп жариялады. Конституция – тұрақтылық пен өркендеудің сенімді іргетасы, әрбір азаматтың құқығы мен еркіндігінің кепілі. Біздің тәуелсіздігіміз бен тұтастығымыздың, тыныштығымыз бен бейбіт тірлігімізді қас қақпай күзетіп тұрған, халқымызға қорған болған Ата Заңымыздың айбыны арта берсін! – деді Мұхтар Әуесұлы.

Аудан басшысы сонымен бірге, Роза Бағланова атындағы аудандық мәдениет орталығына темір тұлпардың кілтін табыстап, ауданның әлеуметтік-экономикалық дамуына елеулі үлес қосқан бірқатар азаматтарды облыс әкімі және аудан әкімінің арнайы «Алғыс хатымен» марапаттады.

Мерекелік шара мұнан соң аудан өнерпаздарының концерттік бағдарламасына ұласып, әсем әннен шашу шашылды.