Шараға арнайы қатысқан аудан әкімі Мұхтар Оразбаев жиналған көпшілікті ең әуелі Қызылорда облысының 85 жылдығы және Қазалы ауданының 95 жылдық мерейтойымен құттықтады. Сонымен қатар айтулы мереке қарсаңында 75 жасқа толып жатқан өнер адамына жылы лебізін білдірді.

Соған сәйкес Қызылорда облысының “Құрмет грамотасы» мен аудан әкімінің “Құттықтауын” табыстап, иығына шапан жапты.

Мұнан соң Орақ Рахашұлы жетекшілік ететін өнерлі ардагерлерден құралған “Атамұра” халықтық ансамблі, “Қорқыт сазы” фолклорлық халықтық ансамблі, “Мырза” атындағы ұлт аспапты оркестр және “Әуезовтер” отбасылық халықтық ансамбль

жиналған көпшілікке өздерінің туындыларын ұсынып, ерекше қошеметке бөленді.

Кеш соңында ҚР Мәдениет саласының үздігі Орақ Баубеков сөз алып, кешке арнайы келген қонақтарға алғысын айтып, ризашылығын жеткізді.