Азық-түлік бағасына кезекті бақылау жұмысы жүргізілді
Аудандық партия филиалы жанынан құрылған арнайы топ мүшелері аудандық ауылшаруашылығы мен жер қатынастары бөлімінің және аудандық кәсіпкерлік, өнеркәсіп және туризм бөлімінің мамандарымен сауда орындарындағы әлеуметтік маңызы бар азық-түлік бағаларына кезекті бақылау жұмыстары жүргізді.
Топ құрамы ең алдымен Әйтеке би кентіндегі «Қанат» сауда дүкенінде болып, әлеуметтік маңызы бар азық-түліктердің бағасын бағамдады. Зерделеу барысынд анықтылғандай азық-түлік қоры жеткілікті. Дегенмен негізгі тауарлар бағасын тұрақты ұстау мәселесі кәсіп иелеріне түсіндірілді.
Топ мүшелері кезекті зерделеу жұмыстарын дәріханалар мен жанармай бекеттерінде жалғастырды. Нәтижесінде жанармай бекеттерінде баға мөлшері және қауіпсіздік техникасы сақталғандығы, ал дәріханаларда дәрі-дәрмектердің бағасы қалыпты екендігі анықталды.
