Кезекті мониторинг жұмыстары жүргізілді
Бүгін аудандық партия филиалы жанынан құрылған мониторингтік топ мүшелері аудандық ауыл шаруашылығы мен жер қатынастары бөлімі және адандық кәсіпкерлік бөлімі мамандарымен бірлесе аудан орталығындағы сауда орындарында болып, әлеуметтік маңызы бар азық-түлік тауарларының бағасы, сапасы мен олардың қорлары бойынша бақылау жұмыстарын жүргізді.Сауда орындарын аралау барысында халық күнделікті көп тұтынатын негізгі өнім түрлері қорының үзілмеуіне аса мән беріліп, әлеуметтік маңызы бар азық-түлік тауарлары, оның ішінде бірінші қажеттіліктегі нан, сүт өнімдерінің бағасын шекті бағадан асырмау жөнінде кәсіп иелеріне түсіндірме жұмыстары жүргізілді.
Мұнан соң мониторингтік топтың жұмысы дәірханалар мен жанармай бекеттерінде жалғасып, жанармай бекеттерінде баға мөлшері және қауіпсіздік техникасы сақталғандығы, ал дәріханаларда дәрі-дәрмектердің бағасы қалыпты екендігі анықталды.
Алдағы уақыттада аудан аумағындағы сауда орындары мен дәріханаларда және жанармай бекеттерінде тұрақты мониторинг және талдау жұмыстары жүргізілетін болады.
#AMANAT
#KPK
#мониторингAMANAT
