Еске алу турнирі өтті
Ұзақ жылдар ауылымыздың ауылшаруашылығы саласында қызмет жасап, ауылымыздың дамуына ерекше үлес қосқан Тұржанов Қанжан мен Тұржанова Торғайды еске алуға арналға ашық турнир өткізілді.Тұржанов Қанжан 1904 жылы қазіргі Ғ.Мұратбаев ауылы, бұрынғы Дихан ауылында дүниеге келген.
1924 жылдан бастап алғашқы колхоздастыруды ұйымдастыру жұмысына белсене атсалысқан. 1942 жылы Ұлы Отан соғысына шақырылып, хабар ошарсыз кеткен.
Тұржанова Торғай Жылқыбайқызы 1915 жылы дүниеге келген. 1934 жылы Қанжан мен отбасын құрып, осы жылдан бастап, қарапайым колхоз жұмысына араласып жүріп, сауат ашу мектебін бітірген.
1942 жылы Ұлы Отан соғысына Тұржанов Қанжанды аттандырған соң тылда аянбай еңбек етіп, Жеңіс күнін жақындатуға үлесін қосқан.
Соғысқа кеткен ер азаматтардың орын басып, 1943 жылдан 1945 жыл аралығында Калинин колхозында басқарма қызметін
Ашық турнирде гір көтеру, қой көтеру, қол күрес, тоғыз құмалақ және арқан тарту сайыстары ауыл жастары мен оқушылар арасында өткізілді.
Сайысқа ауыл тұрғындары белсене қатысып, жеңімпаздар ақшалай сыйлықтармен дипломдар табыс етілді.
Ерасыл ДӘСТЕНОВ
