Ауыл тұрғындары жолдау бойынша оң пікірлерін білдірді
Бүгін аудандық мәслихат депутаты, партия филиалының Атқарушы хатшысы Нұрғиса Жалғасбаев Мемлекет басшысы Қасым-Жомарт Тоқаевтың Қазақстан халқына арнаған кезекті Жолдауын қолдау және насихаттау мақсатында Көларық ауылдық округінің тұрғындарымен кездесті.Жиында халық қалаулысы жолдауда айтылған жайттардың түпкі мақсаты – тұрғындардың тұрмысын жақсарту, әл-ауқатын арттыру екендігіне тоқталып, осы секілді басқа да маңызды міндеттерге тоқталып өтті.
- Мемлекет басшысы ауыл-аймақты дамыту үшін шағын шаруашылықтарды қолдау өте маңызды екенін айтып, «Ауыл аманаты» жобасының елге қажет екенін атап өтті. Сондай-ақ қарызы көбейген халықтың жағдайын ескеріп, «Қарызсыз қоғам» партиялық жобасының ауқымын кеңейтуді тапсырды. Енді «AMANAT» партиясы осы жобаны Үкіметпен бірге бүкіл ел аумағында кеңейтіп, сапалы іске асырумен айналысады, - деді Нұрғиса Жаппарбергенұлы.
Сондай-ақ кездесу барысында ауыл тұрғындары кезекті Жолдау бойынша оң пікірлерін білдіріп, ауыл үшін өзекті болып тұрған бірқатар мәселелермен бөлісті.
#AMANAT
