Сайлауалды бағдарлама шеңберіндегі нысандар фракция мүшесінің назарында
Бүгінде Сарыкөл ауылдық округіне қарасты Абай ауылында құрылыс жұмыстары қарқынды жүруде. Ауылдың кіре берісінде партияның сайлауалды бағдарламасы шеңберінде жаңа дәрігерлік амбулаторияның құрылысы жүрсе, ал ауыл ішінде тұрғындарды табиғи газбен қамтамасыз ету мен орталық саябақты абаттандыру жұмыстары жүргізілуде.Бүгін Қазақстан Республикасы Парламенті Мәжілісінің депутаты Мархабат Жайымбетов аталған ауылда болып тұрғындармен кездесіп, жүргізіліп жатқан құрылыс алаңдарына барды.
Нысандарды аралау барысында құрылыстардың бірқатар атқарылуы тиіс жұмыстарына назар аударды. Сондай-ақ құрылыс сапасын қатаң бақылауда ұстауды тапсырды.
Мұнан соң халық қалаулысы ауылдың орталық алаңында жергілікті тұрғындармен кездесіп, ұсыныс-пікірлерін тыңдады.
#AMANAT
