Жаңа мектеп құрылысының жұмысы қадағаланды
Мәжілістегі «AMANAT» партиясы фракциясының мүшесі Мархабат Жайымбетов ауданға сапары барысында партияның сайлауалды бағдарламасы шеңберінде бой көтеріп жатқан Әйтеке би кентінің Достық көшесіндегі мектептің құрылыс алаңында болды.Онда 250 орындық мектептің құрылысын жүргізіп жатқан мердігермен және тапсырыс берушімен нысанды пайдалану уақытын кешеуілдетуге қатысты туындаған мәселелерді талқылады. Білім ошағының құрылысын «SCS инжиниринг» ЖШС жүргізуде.
– Мектеп құрылысының жоспар бойынша пайдалануға беру уақыты мердігер мекеменің жауапсыздығынан өтіп кеткен. Нысан партияның сайлауалды бағдарламасында қаралғандықтан, партиямен тікелей толық бақылауға алынған. Құрылыс нысандарын аралаудағы негізгі мақсатымыз - жасалып жатқан жұмыстарды өз көзімізбен көріп, проблемалық мәселелерді анықтап, бақылауға алу, – деген Мархабат Жайымбетұлы тапсырыс беруші облыстық құрылыс сәулет және қала құрылысы басқармасының өкіліне сапасына мән бере отырып қадағалауды тапсырды.
#AMANAT
