Баталы ер арымас

Бүгінгі ҚР Парламенті және мәжілісінің және мәслихаттарының депутаттарын сайлауға Қазалы қаласындағы сайлау учаскелері сақадай сай. Таңертеңмен қызу қарбалас. /65 сайлау учаскесінде де әдеттегідей бүгінде өз таңдауын жасауға алғашқы болып келген тұрғынға сый-құрмет көрсетілді.
Елдік істі ауызбіршілікпен атқаруға жұмыла күш салған көпшілікке алғашқы дауыс беруші, 87 жастағы ақсақал Мәлік Тілепов батасын берді. Сайлау учаскесінің төрайымы Эльмира Сматуллаева қазыналы қарттың иығына шапан жауып, алғысын білдірді.
#сайлау2023