Жолдауды қолдау керек
Ел Президенті Қасым Жомарт Тоқаев кезекті Жолдауында бүгінгі қоғамдағы негізгі мәселелердің барлығын қозғады. Жер, жол мәселесі, әйелдердің зейнет жасының төмендеуі, бала күтіміне арналған жәрдемақын төлеу мерзімінің ұзаруы, энергетика, тариф, ауыл шаруашылығы саласы, кәсіпкерлікті қолдау мәселелері қамтылды.
Шетелден әкелінген автокөліктерді заңдастыру да – көп күттірмейтін мәселе еді. Оның да шешімін айтты. Үкіметке Ұлттық қор ақшасынан бала 18 жасқа толғанша арнайы есепшотына қаржы түсіп тұруын тапсырды.
Жолдау – болашаққа деген зор сенім. Жолдаудан жарқын болашаққа деген сенім ұшқынын байқадық. Елдің ертеңіне, халықтың бірлігіне, болашағының жарқын болатынына сенім арттық. Ендігі кезекте Жолдауды жүзеге асыруға бірге атсалысайық.
Нұрбек АҚПАНБЕТОВ,
«Жастар» бастауыш партия ұйымының төрағасы
