Қазалы Qazaly.kz ақпараттық агенттігі
» » Екпе салдырған балаларда белгісіз ауру дамитыны рас па?

Екпе салдырған балаларда белгісіз ауру дамитыны рас па?

Қазнет қолданушылары COVID-19-ға қарсы вакцина салдырған жүздеген балада бұрын белгісіз болған балалар деменциясы ауруы тіркелгенін жазып жатыр. Олардың сөзінше, вакцина осындай ауруларға әкелуі ықтимал екенін ғалымдар да дәлелдеген екен. Бұл жалған екенін Stopfake.kz фактчекерлері анықтаған, - деп хабарлайды Massaget.kz.

"Балалар деменциясы" - генетикалық мутация нәтижесінде пайда болатын нейродегенератив аурулар тобы. Балалар деменциясы уақыт өте келе қалыптаспайды, ол бірден байқалмаса да, туа біткен ауру. Адамдар 2022 жылға дейін бұл ауру туралы бейхабар болғаны шындыққа жанаспайды. Желіде, мысалы, 2013 жылы осы тақырыпта жазылған ғылыми жұмыстарды табуға болады. Сондай-ақ, осындай диагнозы бар балалардың ата-аналарының айтқан әңгімелерін де оқуға болады. Олардың кейбіреулері 2018 жылы және одан ерте жазылған. Вакциналар мен балалар деменциясына әкелетін генетикалық мутацияның дамуының арасында ешқандай байланыс жоқ.

Айта кетейік, балалардың деменциясын зерттеумен және осындай диагнозы бар балаларға көмек көрсетумен айналысатын Childhood dementia Initiative childhood dementia Initiative қоғамдық ұйымының мәліметтері бойынша, қазір бұл сирек кездесетін генетикалық аурудың өршуі байқалмайды. Демек, вакцинацияланған жүздеген балаға осындай диагноз қойылды деген тұжырым жалған.
Сондай-ақ, COVID-19-ға қарсы вакциналар ересектер деменциясының асқынуына әкелмейтіні дәлелденді. Тұмауға қарсы вакциналар, керісінше, деменцияның бір түрі саналатын Альцгеймер қаупін төмендететіні белгілі.

Таратылған мәтінде COVID-19-ға қарсы вакциналар прион аурулар тудыруы мүмкін деп те айтылған. Бұл да нейродегенератив аурулар, бірақ туа біткен генетикалық мутация емес, прион инфекциялық ақуыздарынан туындайды. COVID-19-ға қарсы вакцинаның құрамында осындай ақуыздар барына немесе олардың ағзада пайда болуына әкелетініне ешқандай дәлел жоқ. Бұл теорияны фактчекерлер бірнеше рет жоққа шығарды.

Сонымен қатар, ақпаратта вакциналар тудыратын Крейтцфельд-Якоб ауруы туралы айтылған. Бұл - адамдар арасында ең көп таралған прион ауруларының бірі. Ғылыми әдебиеттерде COVID-19-ға қарсы вакцинасын алған адамда осы ауру дамыған бір ғана жағдай сипатталған. Алайда есепті дайындаған дәрігерлердің өздері вакцина мен аурудың өзара байланысын растау үшін негіз жеткіліксіз екенін айтты. Демек, вакцинация аурудың дамуына әкелмейді деуге болады, себебі бұл мүмкін емес.

Қорыта айтқанда, таралған хабарламада адамдарды қорқытып, оларды вакцинациядан бас тартуға көндіруге бағытталған жалған және ғылымға қарсы мәліметтер бар. 


21 қыркүйек 2022 ж. 396 0

Қарғыс тиген қыз

13 шілде 2024 ж. 119

Қызы қылықты ел едік...

13 шілде 2024 ж. 97

Жиде жұпар шашқанда...

13 шілде 2024 ж. 105

Мәйітхана

13 шілде 2024 ж. 121

Бақыттың мәнін ұғынсақ

12 шілде 2024 ж. 110

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031